• Йошкар-Олаште корным олмыктат
  • Талешке кече вашеш йоча концертыш ӱжына
  • ГТРК «Марий Эл»: Марий Эл увер — 4 март 2016 ий
  • ГТРК «Марий Эл»: Марий Эл увер — 3 март 2016 ий
  • ГТРК «Марий Эл»: Марий Эл увер — 2 март 2016 ий

Марий Эл – вияҥмаш кундем

Республикын правительствыже да Самырык-влакын парламентышт у программым ямдылаш тӱҥалыныт. Тудо «Марий Эл – вияҥмаш кундем» маналтеш да самырык-влакым мер-политик илышыш утарак пурташ шонымаш дене ышталтеш. Кугыжаныш Погынышто оргкомитетыште у программым ямдылыме шотышто мутланыме. Тиде комитетым правительстве вуйлатышын алмаштышыже, тазалык аралыме министр Владимир Шишкин вуйлата. Тиде заседанийыш толшо-влак тенийлан программын проектшым сайлан шотленыт. Тудым апрельыште самырык-влак форумышто ончаш тӱҥалыт.

Read More >>

Коммунал озанлык нерген йодышым йыргешке ӱстелыште каҥашыме

Мер политик рӱдерыште «Управдом» социал проект кышкарыште коммунал озанлык нерген йодышым йыргешке ӱстелыште каҥашыме. Тушто тариф йодышым ончымо, ТСЖ шотышто ойлымо, шуко пачеран пӧрт-влак дене вуйлатыше-влакын профессионал квалификацийыштым нӧлтымӧ шотышто проблемым тарватыме. Йыргешке ӱстелыш погынышо-влак коммунал озанлык нерген федерал законодательствым тӧрлымӧ шотышто темлымашым ыштеныт.

Read More >>

Российысе олимпиадын регионысо этапше мучашлалтын

28 № лицейыште школьник-влак коклаште эртарыме российысе олимпиадын регионысо этапшым мучашленыт. Тудым республикысе Образований да наука министерство эртарен. Тыште эн сай район, школ, тунемше да туныктышо-влакым чапландареныт. Марий Элыште 21 предмет дене олимпиадыште шке шинчымашыжым 733 тунемше терген, 157 йоча сеҥыше радамыш логалын.

Read More >>

Кусарышын пашаштыже увер технологий йӧн

Марий кугыжаныш университетын тӱнямбал кыл факультетыштыже «Кусарышын пашаштыже увер технологий йӧн» теме дене шанче-практик семинар эртен. Тушто Марий Элысе да Йошкар-Оласе школлаште туныктышо, вузышто йот йылмым вӱдышӧ, тыгак «Кусарымаш да кусарыме наука» специальность дене 4-5 курслаште тунемше-влак шке шинчымашыштым нӧлтеныт. Йот йылме-влак кафедрын преподавательышт Наталья Вахранёва ден Светлана Яковлева погынышо-влаклан Интернетыште кӱлеш уверым кычалме да тудын ресурсшо дене пайдалыныме шотышто презентацийым темленыт, тӱҥ компьютер программа-влак дене палдареныт. Менеджмент магистр Марина…

Read More >>

Кугыжаныш Погынын социально вияҥме комитетше ден ВУЗ ректор-влак Совет погынен

Волжск олаште Кугыжаныш Погынын социально вияҥме комитетше ден ВУЗ ректор-влак Совет пырля заседанийым эртареныт. Депутат ден шанчызе-влак профессиональный шинчымашым пуымо йодышым ончен лектыныт. Тылеч посна самырык специалист-влаклан пашаверым ситарыме проблемым тарватеныт. Заседанийын участникше-влак Строительно-промышленный колледжыш, Марий кугыжаныш технический университетын Волжск оласе филиалышкыже, 15 № профессиональный училищыш миеныт.

Read More >>

Театральный Йошкар-Ола

Республикыште «Театральный Йошкар-Ола» фестиваль тӱҥалын. Тиде фестиваль 2 ийлан ик гана 1994 ий гыч погына. Республикын профессиональный коллективше-влак сценыш кажне гана у спектакльым веле луктыт. Режиссёр, артист ден сценограф-влакын пашаштым тӱвыра министрын алмаштышыже Владимир Актанаевын вуйлатыме жюри аклаш тӱҥалеш. Тений нунылан Санкт-Петербург ола гыч толшо театр критик Мария Смирнова-Несвицкая полша. Театр коллектив-влак 17 спектакльым ончаш темлат. Фестиваль 24 мартыште гала-концерт дене мучашлалтеш, тунамак Йыван Кырла лӱмеш премийын 16 лауреатшым пален…

Read More >>

Контрафакт диск ужалымым кунам чарен кертыт?

Йошкар-Ола УВД-н Экономический преступность дене кучедалше отделже компакт дискым да видеодискым ужалыме вер-влакым терген лектын. Оласе «21 курым» ужалыме рӱдерыште пират продукцийым муыныт. Ассортиментше кугу – тыштак кино-влак, компьютер модыш ден мультфильм-влак, муро-влак. Оперативный мероприятий годым ОБЭП сотрудник-влак 400 наре дискым поген налыныт. Кызыт нуным экспертизыш колтеныт.

Read More >>