Пеледыш пайрем калыкым уша!

21 июньышто Йошкар-Олаште марий калыкын ик эн вучымо да йӧратыме пайремже – Пеледыш пайрем эртыш. Тышке Марий Элын чыла районжо гыч да марий-влакын илыме моло кундем гыч калык погынен. Пайрем мероприятий Йошкар-Оласе Тумер отышто индеш шагатлан тӱҥалын. Тыште Агавайрем эртен. Тиде жапыштак Рÿдö паркыште кудо-влакым (уна пӧртым) вераҥдаш тӱҥалыныт. Тыште гын, декоративно-прикладной усталыкын мастарже-влак шке ӱзгарыштым, районласе производитель-влак сатуштым ужалымашке луктыныт. Уна пöрт-влак коклаште «Кудо» конкурс эртен.

23.06.2014
Read More >>

Чумбылат курыкышто кумалтыш лиеш

Шке жапышыте тыгай тале еҥ-влк иленыт, кудышт марий коклаште пеш кугу пагалымашым суленыт: Юмо ончылно ару чонан улмышт денат, вашумылымашым шижын моштымышт денат. Шочмо калык верч чот шогеныт. Тале, виян, чулым, ушан-шотан улмышт тушман ваштарешат шогаш полшен. Курым гыч курымыш нунын лӱмышт Ю вийым поген. Нунын радамыштак – Курык Кугыза. Курык Кугыза але Полемдрук – XI курымышто шаланен пытыше марий-влакым Чумбылат лӱман пӧръеҥ иктеш чумырен да ола-влакым чоҥаш тарватен. Тунам…

19.06.2014
Read More >>

Агавайрем кумалтыш — 2014

Шошым, мланде паша тӱҥалме деч ончыч але тудым мучашлымеке, марий ялыште Агавайремым эртарат. Марий-влак Агавайрем отышко лектын, Агавайрем юмо деч сай игечым, жапыштыже йӱрым, умен шочшо шурным йодыт. «Арслан» интернет-журналын палдарымыже почеш тений Марий Элыште Агавайремышке тыгай кечылаште лектыт: 29 май — Шернур район: Чисола. 2 июнь — Советский район: Янгранур, Ашламаш; Куженер район: Кугу Чарнур. 3 июнь — Марий Турек район: Арбор, Марий Купта ял. 5 июнь — Шернур…

30.05.2014
Read More >>

«Марий Эл Радиошто» марий йӱла нерген…

Советский районын онаеҥже Иван Михайлович Стрельников каласкала: Тувыртыш пайрем нерген. Кузе тиде пайремым эртареныт, могай йӱлам шуктеныт?  Ефим Михайлович Виногоров — Советский районын онаеҥже. Еш кумалтыш — мо тиде тыгай? Молан еш кумалтышым эртарыман? Могай ратым палыман? Еш кумалтышым эртарымаште мо эн тӱҥ? Тиде йодышлан вашмутым Куженер районын онаеҥже Вячеслав Михайлович Актуганов пуа.

30.05.2014
Read More >>

Республик кӱкшытан «Ший талешке» фестиваль

Самырык-влакым марий калыкын талешкыже-влак дене палдараш да нунын лӱмыштым кумданрак шарен колташ манын, Марий тӱвыра рӱдер «Ший Талешке» республик кӱкшытан фестивальым эртара. Тыште талешке-влак нерген презентаций шотан паша-влак ончыкталтыт, нуно конкурсышто участвоватлаш тӱҥалыт. Фестиваль кок корнын эртаралтеш: ондак районлаште лиеш, вара республик кӱкшытыштӧ эрта. Кызыт Марий Элысе районла ден олалаште самырык-влак деч конкурсыш ушнаш йодмашым налыт. Презентацийлык паша-влак икмыняр номинаций дене аклалташ тӱҥалыт: эн сай технический дизайн; эн сай усталык…

10.04.2014
Read More >>

Марий калыкын пайрем да йӱлам шуктымо кечыже-влак

ЯНВАРЬ – ШОРЫКЙОЛ 1 – У ий 3 – Ош Кугу Юмын савыртыш кечыже 27.12.2013-3 – Шорыкйол 19 – Вӱд модмо кече ФЕВРАЛЬ – ПУРГЫЖ 12 – Коҥга пазар 15 – Теле рӱдылан мучаш 24 февраль – 3 март – Ӱярня арня МАРТ – ӰЯРНЯ 14 – Овдоким кече АПРЕЛЬ – ВӰДШОР 7 – Тер кудалтыме кече 13 – Воштыр пазар 16 – Кечыла вӱргече 17 – Сорта чӱктыш 20…

25.01.2014
Read More >>

Марий чонан Моркышто буддизм ылыжеш

Морко посёлкышто буддист-влак юмыйӱла дене кылдалтше тамгам, ступым чоҥаш оксам погат. Тиде проектым илышыш пурташ Рӱдӧ Азийыште калык-влакын тӱвыра да историй йӱлаштым арален кодаш полшышо Тӱнямбал организаций полша. Российын тӱрлӧ олаштыже выставке-влак почылтыныт. Тушто Азий да Европысо тыгаяк ступа-влак деке миен толшо фотограф-влакын пашаштым ужаш лиеш. Уна-влак тыгодым буддист-влакын тӱвырашт нерген шуко ум пален налын кертыт. Тений Морко посёлкышто ступым чоҥен пытарат. Тыгаяк ступо-влак Туваште, Бурятийыште, Москваште да Калмыкийыште улыт.

09.02.2012
Read More >>