Талешке кече вашеш йоча концертыш ӱжына

23.04.2016

Марий Элысе йоча да самырык-влаклан театр-рӱдер, Марий Элысе тӱвыра да келшымаш кыл шотышто «ВийАр» мер ушем, «Ямде лий» йоча газет Талешке кечылан пӧлеклалтше «Шарналте тыят тукыметым» йоча пайрем концертыш ӱжыт. Концертым Оршанке районысо Кугунур школысо «Шонанпыл», Юлсер кундем Приволжской кыдалаш школ да йоча сымыктыш пӧрт пеленысе «Мурпамаш», Йошкар-Оласе 7-ше №-ан школысо «Лупсшырача» («Росинка»), 14 гимназийысе мурышо да куштышо образцовый «Шокто гармонь» йоча ансамбль-влак да молат сӧрастарат. Пайрем 11 шагатлан тӱҥалеш.

Read More >>

Чеверын, Валерий Яковлевич… Эше ик йомдарымаш…

30.11.2015

Чумыр марий калык шке чолга, поро кумылан эргыжым йомдарымылан кӧра чамана. Кылме тылзын кумлымшо кечынже Параньга районын эргыже, уста журналист, амалкалче Валерий Яковлевич Очеевын шӱмжӧ вучыдымын кырымым чарнен. Тудлан 48 ий ыле. Валерий Яковлевич 1967 ий 26 сентябрьыште Параньга районысо Олор ялеш, колхозник ешеш шочын. 1984 ийыште Олор кыдалаш школым тунем пытарен. Вара армийыште служитлен. Марий рвезым Армений марте наҥгаеныт. Шочмо эллан порысым шуктымек, верысе озанлыкыште пашам ышташ тӱҥалеш. 

Read More >>

«Салика» спектакльым ончаш ӱжыт…

26.11.2015

М.Шкетан лӱмеш Марий кугыжаныш драме театр 29 ноябрьыште шке 96 ияш лӱмгечыжым палемда. Театрын коллективше ты лӱмгечылан шке визиткыжым — «Салика» спектакльым ончаш темла. Ушештарем, тений театрын коллективышкыже 14 самырык артист ушнен. Нуно Москосо Щепкин лӱмеш Кӱшыл театральный училищым тунем пытареныт. «Салика» спектакльыште тӱҥ рольым самырык актер-шамычланат ӱшаныме. : Салика — арт. Марина Воронцова, Эчук- арт. Игорь Антропов, Чопай — арт. Андрей Яруков, Марина — арт. Светлана Александрова. Спектакльым скрипке…

Read More >>

«Мый марла ойлем» акцийыш ушныза!

«Мый марла ойлем» акций ынде шым ий почела, кажне шошым эртаралтеш. Акцийлан негызым В. Колумб лӱмеш рӱдер-тоштер пеленысе «ВийАр» тӱвыра да келшымаш кыл ушем 2008 ийыште пыштен. Тиде ийынат «Мый марла ойлем» акций лиеш. Тудо 29 апрельыште 17 шагатлан Йошкар-Оласе  Чарласе  Кремльыште эртаралташ тӱҥалеш. Акций Марий кундемын рӱдолаштыже ик тылзе шуйна. Самырык тукым кевытлашке, тунемме верлашке лектын коштыт, «Тыште марла мутланаш лиеш» наклейкым пуэдаш тӱҥалыт.

28.04.2015
Read More >>

У конкурс: «Сылнымут мундыра»

Кок тӱжем латвизымше ийым Российыште Литератур идалык семын увертарыме. Элыштына сылнымут темылан ятыр мероприятийым. конкурсым, акцийым эртараш палемдыме. «Кидшер» интернет-журналат шеҥгелан огеш код. Интернет журнална «Сылнымут мундыра» самырык возышо поэт, писатель, журналист-влаклан литератур конкурс нерген увертара. Шке вийдам тыглай номинацийлаште терген кертыда:  эн сай поэзий; эн сай проза; эн сай журналист паша (интервью, репортаж, очерк); Творческий паша-влакым 15-ше февраль гыч тӱҥалын 15 ноябрь марте info@kidsher.ru электрон почто дене вучена. 

23.01.2015
Read More >>

Hyvää syntymäpäivää!!! / Шочмо кече дене!!!

Пагалыме Эльвира Викторовна! Шочмо кечыда дене шокшын саламлена! Пиалым, пеҥгыде тазалыкым, пашаштыда сеҥымашым тыланена! Hyvää syntymäpäivää! Toivomme onnea, terveyttä jä menestystä työssä! Саламлымаш дене Марий Кугыжаныш университетын финн йылмым тунемше студентше-влак! / Marin valtionyliopiston suomea opiskelevat opiskelijat!

10.09.2014
Read More >>

Провой кундемым 90 ий дене Марий Оньыжа саламла!

Провой кундемыште илыше шергакан таҥ-влак! Провой кундемым ыштымылан 90 ият темеш. Тиде лӱмгече дене шокшын-шокшын саламлем. Ты жапыште районлан да тыште илыше калыклан кумда да тӱрлӧ шӧрынан илыш корным эрташ логалын. Таче ме кугешнен каласен кертына: тиде мланде шке пашаж дене Марий Элнам чапландараш да мыланна йолӱмбалне пеҥгыдын шогаш, эреак вияҥаш полша. А мыняр уста, историеш келге кышам кодышо, талантан еҥым куштен! Тек умбакыжат уста еҥ-влак шочыт да элнам эшеат…

22.08.2014
Read More >>