Чеверын, Валерий Яковлевич… Эше ик йомдарымаш…

30.11.2015

Чумыр марий калык шке чолга, поро кумылан эргыжым йомдарымылан кӧра чамана. Кылме тылзын кумлымшо кечынже Параньга районын эргыже, уста журналист, амалкалче Валерий Яковлевич Очеевын шӱмжӧ вучыдымын кырымым чарнен. Тудлан 48 ий ыле. Валерий Яковлевич 1967 ий 26 сентябрьыште Параньга районысо Олор ялеш, колхозник ешеш шочын. 1984 ийыште Олор кыдалаш школым тунем пытарен. Вара армийыште служитлен. Марий рвезым Армений марте наҥгаеныт. Шочмо эллан порысым шуктымек, верысе озанлыкыште пашам ышташ тӱҥалеш. 

Read More >>

Сылнымутым йӧратыше-влак батлыш погыненыт

26.11.2015

Кумдан палыме писатель Я.П. Майоров-Шкетанын мутшо почеш, марий йылмым пеҥгыдемдыме шотышто сылнымут пеш кугу пайдам конда. Чынак, сылнымут илышым чын умылаш туныкта, шонаш тарата, шортара, куан кумылым луктеш. Сылнымут идалык мучашлалтеш. Ты идалыкым иктешлыме семын, «ВийАр» тӱвыра да келшымаш кыл ушем да Талантан йоча-влаклан калыкле президент школ-интернат «Сылнымут батылым» эртарышт.

Read More >>

Финн-угор писатель-влак конгрессыш чумыргеныт

Сылнымут идалык тӱрлє мероприятийлан поян. Теве 2015 ий 3-7 сентябрьыште Венгрийын Бадачоньтомай олаштыже ХIII тӱнямбалсе финн-угор писатель-влак конгресс эртыш. Тудо 11 марий писательлан поро шарнымашым кодыш. Конгресс, тӱня мучко кумдан палыме Балатон ер воктене, эртыш. Тудын темыже ты гана драматургий дене кылдалте. Тыге пашашке марий театр-влаклан кугу надырым пыштыше драматург-влак, Россий писатель ушем член-влак: Юрий Соловьёв, Александр Петров да Валерий Григорьев, Владимир Матвеев, тыгак поэт-влак Альбертина Иванова, Зоя Дудина, Лидия…

14.09.2015
Read More >>

У книга: «Шийгорнышто»

«Шийгорнышто». Тыге маналтеш «Кум томан ойпогын» кокымшо томжо. Тудо ынде ош тӱням ужын. Тыште журналист пашамым лудаш темлем. Тӱрлӧ кундемлашке лектын коштмо, корнышто вашлийме еҥ-влак дене палыме лийыда. Уке лийше лӱмлӧ еҥ-влак нерген «Шарнымаш сорта» ужашыште каласкалыме. Чаманен да йӧратен Ида Крылова, Еремей Герасимов, Геннадий Чемеков, Юрий Байгуза, Тимофей Петухов, Семён Николаев нерген серенам. Таче пагалыме йолташем-влакланат: Зинаида Ермаковалан, Анатолий Спиридоновлан, Сергей Шабдаровлан, Альберт Васильевлан, Алевтина Сеньковалан, Римма Пальцевалан, Александра…

06.10.2014
Read More >>

Виталий Попов — Талгыде (ойлымаш)

«Э-эх, йоча жапет – талгыде… Чарайолын куржталме олык лапет, кеҥеж кечеш левештше изеҥер толкынет… Молан ала изи годсо пагытын кечыжат моторрак, мландыжат ужаргырак, илышыжат веселарак да нигунам илен пытарыдышашла чучеш. Илен шоҥгеммеке, рвезе годсо жапын сылнылыкшым, нигунам пӧртылдымыжым умылен, келгын шӱлалтет,да вучыдымо шӱлык логараҥым иша, шер пырче гай шинчавӱд шӱргыначка курыклан изирак вӱдшуҥгалтыш лийын кертшашым шижтара… «Вачӱмбаке ийготым поген шындымеке, шарналташ веле кодеш», – имньылан шудым нумалшаш комдым пидын-керыштын шинчышыла,…

21.08.2014
Read More >>

САМЫРЫК ПОЭТ-ВЛАКАН «СВЕТЛАНА» КОНКУРС!

Светлана Эсаулова лӱмеш фондын учредительже-влак самырык поэт-влак коклаште талук еда эртаралтше «Идалыкын эн сай почеламутшо» конкурсым кум тылзе ончычак увертареныт. «Светлана» лӱман сылнымут премий верч конкурсыш ушнышо авторлан тений 15-ше октябрь марте 30 ий темшаш огыл. Кажне автор деч визыт деч шуко огыл почеламутым налыт, кажне почеламутшо 32 корно деч кугу огыл лийшаш. Почеламут дене пырля конкурсышко ушнаш йодмаш пуалтеш. Тушто шке нерген увертарыман: лӱм, фамилий, ачалӱм, илыме вер, вашкылым…

20.08.2014
Read More >>

Марий поэзий корнышто ошкылшо! | Вера Гордеева

Марий кундемна туныктышо, мурызо, тӱвыра аланыште тыршыше, журналист, оҥай вер-влак дене поян улеш. Марий кундемым чапландарымаште поэт да писатель-влакат шеҥгелан огыт код. Теве мутлан 1957-1987-ше ийласе марий литературышто Валентин Колумб, Вениамин Иванов, Геннадий Матюковский, Миклай Рыбаков, Валентин Косоротов, Зинаида Каткова, Константин Коршунов, Юрий Артамонов, Альбертина Иванова, Геннадий Алексеев, Вячеслав Абукаев-Эмгак, Валентина Изилянова да тулеч моло-влакат тыршеныт. А таче поэзий шӱлышан еҥ-влак улыт мо? Улыт. Поро жапда лийже «Марий поэзий корнышто…

17.08.2014
Read More >>