Пенза олаште бокс дене турнир эртен

Олимпийский резерв йоча спортшкол гыч 3 тунемше Юл кундем федеральный округын первенствыштыже шке вийжым терген. 1993-1994 ийлаште шочшо-влак коклаште Пенза олаште бокс дене турнир эртен. Таҥасымашке 160 утла спортсмен погынен. 52 кг марте нелытан коклаште Иванов Николай кумшо верым налын, тудо Всероссийский таҥасымашке кая.

18.04.2011
Read More >>

Марий Элыште «Шӧртньӧ шайба» эртыш

«Марий Эл» ий полатыште 10-11 ияш рвезе-влак коклаште «Шӧртньӧ шайба» всероссийский турнир гӱжлен эртыш. Российын тӱрлӧ кундемже гыч 12 команда таҥасен. Республикынан чапшым «Звёздочка» сборный арален.

12.04.2011
Read More >>

Волжск олаште фигурист-влак таҥасеныт

Коньки дене фигурный мунчалтымаш дене Волжск олан открытый первенствыже эртен. Тушто Озаҥ, Зеленодольск, Кукмор, Волжск да Йошкар-Ола гыч фигурист-влак таҥасеныт. Мемнан спортсмена-влак ик шӧртньо да ший, тыгак кум бронза медальым сеҥен налыныт.

06.04.2011
Read More >>

Олан у чемпионжо

В. А. Трифонов латкум ий почела шахмат дене модмаште Нефтекамскын чемпионжо лийын. Шукерте огыл олаште эртыше турнирыште тудо молгунамсе гаяк виян модын, сеҥыше деч пел очколан гына шагал поген. Ты гана чемпион лÿмым Амзя гыч 24 ияш Д. Хохряков сеҥен налын.

02.04.2011
Read More >>

Спорт. Туризм. Каныш

Марий Элыште турист сезон пеш оҥай мероприятий дене тӱҥалеш. Апрель мучаште «Спартак» спорткомплексыште «Спорт. Туризм. Каныш» выставке почылтеш. Тудо 11 гана эрта. Икымше выставке годым улыжат 17 экспонат лийын, ӱмаште 90, тений шукырак вучат. Выставкыш толшо-влак Марий Элысе турист фирме, каныме база, санаторий, пансионат, тазалыкым пеҥгыдемдыме рӱдер-влакын пашашт дене палыме лийыт. Тыгак спорт да туризм, канаш келыштарыме сату-влакым лукшо предприятий-влак шкешт дене палдарат.

30.03.2011
Read More >>

Йошкар-Олаште у спорт манеж лиеш

Республикысе капкультур, спорт да туризм министерствыште Йошкар-Олаште у спорт манежым чоҥымо нерген мутланымаш лийын. Тудо леведыш йымалне верлана. Тыште футбол пасу лиеш, тыгак куштылго атлетика дене таҥасымаш-влакым эртараш тӱҥалыт.

30.03.2011
Read More >>

Финалыш лекшаш улыт

Тенийсе футбол тургымышто «Марийэлочка» ӱдыр-влак команда «Волга-Центр» зонын 1-ше лигыштыже (9 команда) вийым тергаш тӱҥалеш. Икымше модмаш май тӱҥалтыште лийшаш. Тренер Е.Петровын ойлымыж почеш, ӱдыр-влак Россий первенствын финалышкыже лекшаш улыт. А тидланже шке зонышто кокымшо верым кучыман. Тунам иже высший лигыште модаш ӱшан лектеш. Командыште футболист-влак Советский, Куженер, Звенигово, У Торъял районла да Йошкар-Ола гыч улыт.

25.03.2011
Read More >>