Панкратион дене чемпион

Пермь олаште панкратион дене Россий чемпионатыште Марий кугыжаныш университет гыч кок студент да ик выпускник шке вийжым терген. Рамиль Романов, Дилшод Бобоев да Сергей Калабай Юл кундем федеральный округын командышкыже пуреныт. 60 кг марте нелытан-влак коклаште Сергей Калабай Российын чемпионжо лийын. Дилшод Бобоев 75 кг марте нелытан-влак коклаште ший медальым сеҥен налын. Рамиль Романоват призёр радамыш логалын.

11.05.2011
Read More >>

Конвоир – тале теннисист

Титаккасартыш шуктымо управленийыште сотрудник-влак коклаште ӱстембал теннис дене лично-командный первенство лийын. Кок кече жапыште спортсмен-влак эн талыжым кычалыныт.

04.05.2011
Read More >>

Мемнан-влакат кучедал моштат

«ШТУРМ» спортивный единоборство дене Европысо чемпионат Моско областьыште, Лермонтовын тоштер-пӧртшӧ верланыме Середниково илемыште эртен. Российын командышкыже Марий Эл гыч  кок спортсмен – Дмитрий Сокольников ден Дмитрий Удавихин пуреныт. Куштылго нелытан-влак коклаште Дмитрий Сокольников кумшо верым налын. А Дмитрий Удавихинлан бронза медаль марте ик балл ситен огыл. Valera

04.05.2011
Read More >>

Мемнан-влак писе улыт

Шукерте огыл Ивановский область, Шуя олаште курыкышто куржталмаш дене Россий гран-прин кумшо этапше эртен. Тушко мийыше Марий Элын командыштыже ныл спорстменже Курыкмарий район гыч лийыныт.

04.05.2011
Read More >>

Мини-футбол дене турнир Йошкар-Олаште эртен

1999-2000 ийлаште шочшо рвезе-влак коклаште мини-футбол дене турнир Йошкар-Олаште эртен. Ола администрацийын призше верч оласе 6 команде, Медведево район гыч «Луч» да Оршанке район гыч «Спутник» таҥасеныт. Оршанке районын командыже сайын модын. Шке тӱшкаштыже кокымшо лиймек, турнирыште кумшо верым налме верч таҥасен. Оласе «Олимпия-30» командын капкашкыже 8 мечым пуртен, шкеже иктым гына колтен. Нападающий Костя Шамаев турнирын эн сай бомбардирже лийын, тудо 4 модмашыште 12 голым пуртен.

24.04.2011
Read More >>

Нурма кундемын спортсменже-влак сеҥеныт

Медведево районышто ял да ола шотан илем-влак коклаште спартакиадын эше ик этапше эртыш. Мартыште нуно ечыгорнышто ӱчашеныт, а тиде гана бассейныште вашлийыныт. 23 командыште ныл еҥ гыч лийыныт: кок пӧръеҥ да кок ӱдырамаш. Нуно 50 метрыш иймаш эстафетыште вийыштым тергеныт. Тиде гана Нурма кундемын спортсменже-влак сеҥеныт, кокымшо верыште – Медведево посёлко, кумшо верыште – Юбилейный кундем.

24.04.2011
Read More >>

Грек-рим кучедалмаш дене Марий Эл гыч чемпион-влак

Грек-рим кучедалмаш дене 1996-1997 ийлаште шочшо рвезе-влак коклаште тӱнямбал турнир Москваште эртен. Тушто Россий, Узбекистан, Армений, Азербайджан да Грузий гыч 250 наре спортсмен лийын. Волжск ола гыч Хайдар Исмаилов 46 кг нелытан-влак коклаште чемпион лийын, тудо вич кучедалмаште сеҥен. 35 кг нелытан-влак коклаште Максим Кузин ший медальым налын, 54 да 50 кг категорийыште Глеб Батянин ден Дмитрий Антюшин кумшо верыш лектыныт.

21.04.2011
Read More >>