Зарядкым пырля ыштеныт…

Физкультурник кечын Марий Эл Республикысе МВД-н пашаеҥже-влак ола воктенсе лагерьлаште каныше йоча ден подростко-влаклан «Зарядка со стражем порядка» акцийым эртареныт. ОМОН ден СОБР пашаеҥ-влак, а нунын коклаште шагал огыл спорт мастер ден тӱрлӧ таҥасымаште сеҥыше-влак лийыныт, «Чодыра йомак» лагерь ден В.Дубинин лӱмеш тазалыкым пеҥгыдемдыме йоча рӱдерыш миеныт. Полицейский-шамыч ӱдыр-рвезе-влаклан таза илыш йӱлан пайдаже, айдемын илышыштыже спортын да физкультурын кугу рольым модмышт нерген каласкаленыт веле огыл, эше преступник-влакым кучымо годым кучылтмо…

17.08.2014
Read More >>

Марий Элыш 800 спортсмен толшаш

Фигурный мунчалтымаш федераций ынде нылымше гана Марий Элыште синхрон мунчалтымаш дене турнирым эртара. Мемнан деке 800 спортсмен толшаш. Таҥасымашыште спорт мастер, спорт мастерыш кандидат да 1-ше разрядан фигурист-влак ӱчашат. Турнир 20 январьыште 14 шагатат 30 минутышто торжественно почылтеш, тушко яра пураш лиеш. Моло кечын кугыеҥлан билет 70 теҥгем шога, йоча-влаклан – 30 теҥге.

17.01.2012
Read More >>

Ийым тергат

Марий Турек посёлкышто шукерте огыл почылтшо Ий полат яра огеш шинче. Кызыт тыште Марий Элым вуйлатышын призшым сеҥен налме верч хоккей турнир тӱҥалын. Марий Эл да Киров область гыч хоккейын ветеранже-влак 6 командым погеныт да шке коклаштышт икымше модмаш-влакым эртареныт. Нуным кок тӱшкалан шелыныт. Икымшыште – Марий Турек гыч «Восток», Киров область гыч «Лебяжье» да Пижанка» команде-влак. Кокымшо тӱшкаште – Параньгасе «Зенит», Морко гыч «Газовик» да Киров область Советск олан…

17.11.2011
Read More >>

Пистерла — эн тале

Йоча-влакым спорт деке шӱмаҥдыме шонымаш дене Курыкмарий районысо «Край горномарийский» ден «Жерӓ» газет редакций тӱҥ школ-влак коклаште футбол турнирым эртарен. Кулаковы селашке кум команде толын ыле. Икымше модмашыште Йоласал кундемысе Пистерла гыч толшо рвезе-влак Ямангаш командым 3:2 счёт дене сеҥышт. Кокымшо матчыштат Ямангаш рвезе-влак Шӹндырйӓл командылан 6:0 счёт дене сеҥалтыныт. Шӹндырйӓл команде Пистерла рвезе-влакымат 3:1 счёт дене сеҥен, тыге икымше верым налын. Пистерла команде кокымшо лие, а кумшо верыште –…

03.10.2011
Read More >>

Турист корнышто

Юниор ден самырык-влак коклаште спорт туризм дене Марий Элын открытый первенствыже лийын. Таҥасымашке Марий Турек, Курыкмарий, Кужеҥер, Шернур да Советский районла гыч команде-влак толыныт ыле, тыгак Семёновский школын, Йошкар-Ола гыч «Азимут» да «Роза ветров» рӱдер-влакын ӱдыр-рвезышт лийыныт.

28.09.2011
Read More >>

Шемэҥер ялым кызыт чылан палат

У Торъял район Шемэҥер ялын кушто улмыжым икмыняр жап ончыч пошкудо кундемлаште гына огыл, Марий Элыште илышыжат пеш шагалын паленыт. Но тыште автоспорт таҥасымашым эртараш тӱҥалме деч вара пошкудо Киров областьыште гына огыл, Татарстан ден Удмуртийыште, Чувашийыште да Российын моло кундемлаштыжат йоҥылыш деч посна ойлат.

01.08.2011
Read More >>

Газетын призше верч

Апрель мучаште У Торъял районышто «Ялысе увер» — «Сельская новь» газетын призше верч таҥасымаш эртен. Тышке У Торъял, Шернур, Куженер да Советский район гыч 170 наре куштылго атлет-влак погыненыт.

11.05.2011
Read More >>