Таче самырык-влак йыргешке ӱстелым эртарат

«Кызытсе марий самырык тукым – кӧ ме улына?» – тыге лӱмденыт йыргешке ӱстелым ямдылыше-влак шке мероприятийыштым. Тудо таче Тӱвыра министерствын конференц-залыштыже эрта. Тиде йодышым каҥашаш погыненыт республикысе мер ушемым вуйлатыше-влак, студент ден тунемше-влак, самырык ушем-влакым вуйлатыше ден журналист-влак. Йыргешке ӱстел годым тыгай теме-влакым тарватат: самырык тукымын политикыш ушнымыжо, самырык-влакын усталык пашашт, республикысе мер ушем-влакын ваш келшен пашам ыштымышт.

28.03.2011
Read More >>

Кызытсе марий самырык тукым. Кö тудо?

Тыгай тема дене эртарышаш «йыргешке ӱстелын» заседанийжын паша программыже. Вашлиймашым эртарыме кече да жап: 2011 ий, 28 март, 16 шагат. «Йыргешке ӱстелын» заседанийжым эртарыме вер: Марий Эл Республикысе тӱвыра, печать да национальность паша шотышто министерствын конференц-залже.

24.03.2011
Read More >>

«ВийАр» ушем семинарым эртара

Таче Йошкар-Олаште финн-угор калык-влакын Валентин Колумб лӱмеш историй да сылнымут тоштерыште журналистика аланыште тыршыше самырык еҥ-влакым туныктымо школ почылтеш. «ВийАр» ушем тӱҥалше журналист-лаклан паша опытым ешараш да шинчымашыштым келгемдаш полшаш семинарым эртараш тӱҥалеш.

23.03.2011
Read More >>

Мый – йоча улам, мый – айдеме улам

Наука да искусство фестиваль кышкарыште «Мый – йоча улам, мый – айдеме улам» конкурс лийын. Тушко йоча-влак эссем возен колтеныт. Тиде фестивальым ынде ятыр ий Йоча да самырык-влакын усталык полатышт эртара. Конкурсыш 7-11 класслаште тунемше 72 йоча ушнен. Нуно Звенигово, Медведево, Килемар, У Торъял, Куженер, Шернур, Советский район, Йошкар-Ола да Киров область гыч улыт. Эн сай эссем возышо-влак 26 мартыште палыме лийыт.

23.03.2011
Read More >>

Самырык тукым эре ончылно

Самырык тукым шке моштымашыжым тӱрлӧ могыр гыч шуара. Марий тӱвыра рӱдер пелен пашам ыштыше «Рвезылык» мер ушем шукерте огыл Кутузов лӱмеш Киевско-житомирский ракет да статегический войскаш миен коштын. Шке чолгалыкыштым Ирина Мамаева, Мария Чулкова, Геннадий Григорьев, Андрей Ямбаршев, Александр Алмаматов, Анжела Прозорова, Юля Медведева, Екатерина Шабдарова, Анастасия Герасимова ончыктеныт.

15.03.2011
Read More >>

Шкалан чолгарак лийман

Россий кумдыкысо финн-угор калык-влакын самырык тукымышт кузе илат, шке ончыкылыкыштым могайым ужнешт? Тидын нерген февраль мучаште Удмурт Республикыш чумыргышо чолга ӱдыр-рвезе-влак мутланеныт. Российыште икымше гана эртаралтше  «Самырык финн-угор лидер-влакын школышт» семинарыш кумда элнан 18 регионжо гыч 130 самырык политик, предприниматель, культура да усталык дене кылдалтше еҥ, журналист миеныт.

15.03.2011
Read More >>