Забайкалье йӱла

Мемнан дене шошо шӱлыш шижалташ веле тӱҥалын, а теве Забайкальеште, 7 районышто 9 пожар осаллана. 144 гектарыште чодыра йӱла. Пожарный-влакын мутышо почеш, тулын ылыжме ик эн тӱҥ амалже – еҥ-влакын койышышт. Кызыт марте 626 гектарыште 22 вере тулым авырен кертыныт. А пожар лийын кертме лӱдыкшӧ пагыт тӱҥалмеке, Забайкальский крайыште 1892 гектарыште чылаже 58 чодыра пожар ылыжын.

11.04.2011
Read More >>

Мариец посёлкышто пожар клуб ден библиотекым пытарен

Марий Турек районысо Мариец посёлкышто январьыште лийше пожар клуб ден библиотекым пытарен. Верысе калык театр ден хорын костюмжо-влак, сценысе реквизитышт йӱлен, а лудаш йӧратыше-влак книга деч посна кодыныт. Но районысо тӱвыра пашаеҥ-влак шке коллегыштым ойго дене иквереш коден огытыл. Библиотеке-влак книгам кондат, еҥ-влакат мӧҥгышт гыч нумалыт.

07.04.2011
Read More >>

МЧС увертара

Россий МЧС-ын Марий Элысе тӱҥ управленийже гыч увертарат: 25 март гыч 1 апрель марте республик мучко 15 пожар лийын, чумыр эҥгек 700 тӱжем теҥгем эртен. Тул 3 оралтым да 2 автомашинам пытарен. МЧС пашаеҥ-влак республик мучко объект-влакым тергеныт да пожар лийын кертме вер-влакым палемденыт.

04.04.2011
Read More >>

Телефон мошенник-влак уэш вуйым нӧлтылыныт

Марий Элыште телефон мошенник-влак уэш вуйым нӧлтылыныт. Оксам ондален налаш кызыт нуно у йӧным шонен луктыныт. Кодшо арняште Звенигово олаште илыше 82 ияш пенсионерын пачерышкыже палыдыме ӱдырамаш йыҥгыртен да шоҥгыеҥлан ойлен, пуйто кочан колышо ватыжлан шке жапыштыже 180 тӱжем теҥгем тӱлен шуктен огытыл.

31.03.2011
Read More >>

Нолька посёлкышто кевыт йӱлаш тӱҥалын

Пожар ваштареш кучедалше службын увертарымыж почеш, каныш кечылаште республик мучко 1 пожар лийын. Таче пелйӱд деч вара Йошкар-Ола  воктене Нолька посёлкышто илыме пӧрт пелен чоҥымо кевыт йӱлаш тӱҥалын. Пӧртыштӧ илыше-влак жапыштыже помыдалт шуктеныт да пожарный-влакым ӱжыктеныт. 7 расчёт тулым ик шагат йӧртеныт. Кевыт кӧргӧ гыч йӱлен, пӧртын леведышыже пытен. Кызыт пожар кузе тӱҥалмым да тудын кондымо эҥгекым рашемдат.

28.03.2011
Read More >>

Пожарный-влак увертарат

Теҥгече республик мучко 2 пожар лийын. У Торьял посёлкышто Комаров уремыште верланыше пу баракыште пожар ондакат лийын, сандене тыште 7 пачер гыч кумытыштыжо гына иленыт. Теҥгече кечывал деч вара 3 пӧръеҥ пырля погынен, иктыжын шочмо кечыжым палемденыт. Йӱшывуя тамакым шупшмылан кӧра тул ылыжын. Пошкудо пӧртыштӧ илыше-влак шикшым ужыныт да пожарный-влакым ӱжыныт. 3 пожарный расчётлан тулым йӧрташ 1 шагат кӱлын. Пачерын кӧргыжӧ чыла йӱлен, иктат эмганен огыл.

23.03.2011
Read More >>

Корнышто тӱткырак лийман

Теҥгечак корнышто 2 аварий лийын, Йошкар-Олаште 1 еҥ сусырген, Звенигово районышто 1 еҥ колен. А таче эрдене 1 шагат жапыште 22 вере машина тӱкнен. Пӱртӱслан вуйым шияш лиеш, но водитель-влаклан шкаланышт тӱткырак лийман.

23.03.2011
Read More >>