Аяргыш икмынярлан шагалемын

Ӱмаште аракам йӱмӧ деч вара 392 еҥ аярген, нунын кокла гыч 238-ыже колен. Роспотребнадзор управленийын шымлымыже почеш, 2010 ий дене таҥастарымаште, аяргышыжат, колышыжат икмынярлан шагалемын. Идалык жапыште эскерыше орган пашаеҥ-влак аракам ужалымаш шотышто 93 тергымашым эртареныт. 12 должностной еҥлан 36 тӱжем теҥге штрафым тӱлыктеныт.

17.01.2012
Read More >>

Тул нигӧм да нимом ок чамане

Таче, 19 майыште эр йӱдым Йошкар-Олаште пеш шучко пожар лийын. Троллейбусный парк ваштареш 12 пачашан панельный пӧртыштӧ 8-ше пачашаште 3 шагатлан пожар тӱҥалын. 13 минут гыч пожарный-влак толын шумо жаплан тул 10-шо пачашаш шуын, изиш гыч леведыш марте тӧрштен.

19.05.2011
Read More >>

Ондакысе шып кундемыштат мланде чытырналташ тӱҥалын

11 мартыште Японийын эрвелныже лийше мланде чытырналтмаш уло тӱня мучко кызытат солна. Пеш шуко вере изи магнитудан чытырналтмаш-влак эртеныт. Мутлан, Тайваньыште, Канадыште, Америкын Аляска, Вашингтон, Орегон да Калифорний штатыштыже.

22.04.2011
Read More >>

Айдемын илышыже шелше кумырымат огеш шого

Следствий управлений гыч колтымо увер-влакым лудмо деч вара туге лектеш, пуйто айдемын илышыже шелше кумырымат огеш шого. Теве эртыше изарнян, кандаш шагат кастене Волжск олаште шке пачерыштыже илыше пенисонерын колышо капшым муыныт. Тудым шке родо-тукымжо гычак улшо самырык пӧръеҥ вилке дене шуралтен пуштын. 1 апрельыште веле шинчыме вер гыч лектын улмаш, эрыкыште ик арнямат лийын огыл. Кызыт тудым Уголовный кодексын 105 статьяжын 1 ужашыже почеш титаклат.

12.04.2011
Read More >>

Минскыште 13 апрельым траур кече семын увертарыме

Минск олаште метрошто пудешталтмаш годым 12 еҥ колен да 149 сусырген. Тиде пудешталтмашым теракт семын палдарыме. Таче Москва гыч Белоруссийыш российысе медик ден следователь-влак чоҥештен мият. «Октябрьский» станцийыште теҥгече кастене 17 шагатат 58 минутышто 7 кг наре фугас пудештын. Минскыште 13 апрельым траур кече семын увертарыме.

12.04.2011
Read More >>

Йошкар-Олаште кум пожар лийын

Теҥгече Йошкар-Олаште 3 пожар лийын. Кок вереже йӱшывуя малаш вочмо годым тамакым шупшмылан кӧра тул ылыжын, пожарный-влак жапыштыже толын шуыныт да оза-влакым утареныт. Анциферов уремыште ик пӧртын визымше пачашыштыже шӱкшӱ леведышлан кӧра электровоштырышто кӱчык замыканий лийын. Оршанка да Параньга районышто 2 аварийыште 2 еҥ эмганен. Тӱткӧ лийза, шкендам эскерыза.

11.04.2011
Read More >>