Чеверын, Валерий Яковлевич… Эше ик йомдарымаш…

30.11.2015

Чумыр марий калык шке чолга, поро кумылан эргыжым йомдарымылан кӧра чамана. Кылме тылзын кумлымшо кечынже Параньга районын эргыже, уста журналист, амалкалче Валерий Яковлевич Очеевын шӱмжӧ вучыдымын кырымым чарнен. Тудлан 48 ий ыле. Валерий Яковлевич 1967 ий 26 сентябрьыште Параньга районысо Олор ялеш, колхозник ешеш шочын. 1984 ийыште Олор кыдалаш школым тунем пытарен. Вара армийыште служитлен. Марий рвезым Армений марте наҥгаеныт. Шочмо эллан порысым шуктымек, верысе озанлыкыште пашам ышташ тӱҥалеш. 

Read More >>

Фёдор Евгеньевич Бикбатыровым аклена да шарнена…

Фёдор Евгеньевич Бикбатыров, Пошкырт кундем Калтаса район администрацийым вуйлатышын алмаштышыже, чолга мер пашаеҥ, 2014 ий 10 августышто ош тÿня дене вучыдымын чеверласен. Фёдор Евгеньевич 1962 ий 30 январьыште Калтаса районышто шочын-кушкын. Марий кугыжаныш университетыште, Уралысе социально-политический институтыште тунемын, агроном шымлызе, ял озанлык науко шымлызе, политолог. Тÿрлö школышто географий, химий, биологий туныктышылан пашам ыштен, «Заря» Калтаса район газетыште корректор лийын. «Заря» ден «Родина» колхозлаште да моло вереат тыршен. 2010 ий гыч…

14.08.2014
Read More >>

Марий Эл Украина гыч толшо-влакым вашлиеш

Йошкар-Ола Украинын кечывалвел-эрвел ужашыж гыч толшо 27 еҥым вашлийын. Нунын коклаште — шым йоча. «Йошкар-Ола» ола округын администрацийже нуным вераҥлыме да кочкышым пуымо шотышто пашам ышта. Укриана гыч толшо-шамыч дене «Йошкар-Ола» ола округ администрацийын гражданский обороно да чрезвычайный ситуаций управленийын начальникше А.Чесноков вашлийын. «Троллейбусный предприятий» МП нунылан проездной билетым, амалкалче-влак лу тӱжем теҥгеаш именной сертификатым кучыктеныт. Йоча-шамычлан «Планета» торгайыме рӱдерыште, «Джуманджи» модмо рӱдерыште, рӱдолан культур да каныме рӱдӧ паркыштыже реабилитационный…

16.07.2014
Read More >>

Поро кумыл акцийыш ушныза

Украиныште кызытсе сӱрет Российысе калыкым чотак тургыжландара. Сандене еҥ-влак тушто илыше-влаклан тӱрлӧ семын полшаш тыршат. Мутлан, Йошкар-Олан мэржын кӱштымашыж почеш, Славянск олаште илыше-влаклан 3 июнь гыч гуманитарный полышым погаш тӱҥалыныт. Тиде акцийыш поро кумылым ончыкташ шонышо-влак ушненак ушнат. Волонтер-влак, организаций еда коштын, полыш сатум погат. Еҥ-влак мо дене полшен кертме нерген йыҥгыртен йодыт, весышт кочкышым, моло кӱлешым вигак кондат. А кызыт тушто кеч-могай полышат шерге. Сандене кочкыш дене пырля эше…

06.06.2014
Read More >>

Семён Николаев дене чеверласымаш…

31 майыште Марий Эл Республикын калык поэтше Семён Николаев дене чеверласымаш лиеш. Семён Васильевич Николаев 1936-шо ийыште Свердлов кундем Красноуфим районышто шочын. Марий кугыжаныш институтым тунем лекмек, туштак пашам ышташ кодын, вара марий радиош куснен, а 1970-ше ий гыч «Пачемыш» журнал редакцийын пашаеҥже лийын. 11 ий «Ончыко» журналын тӱҥ редакторжыланат ыштен, тӱвыра министерствыштат шуаралтын. Марла да рушла лукмо 17 книган авторжо улеш. Шекспирын да Мольерын произведенийже-влакым марлашке кусарен. Марий Элын…

30.05.2014
Read More >>

Полышым йодам

Салам, поро йолташ-влак.  Мыйын лӱмем Ольга, 24 ияш улам. Кызытсе жаплан мый икымше группышто улшо инвалид улам. А тыге лийын машина аварий деч вара. Диагноз: тупрӱдӧ падырашлан каталтын д8д9. Тиде падырашмыт туп нервым (спинной мозгым) ишымылан кӧра мыйын йолем шижмым чарнен да ынде коштын ом керт. А вет мый эше самырык веле улам… Врач-влак ойлат, мӧҥгӧш кошташ тӱҥал кертам, но специалист-влак (кудо эмлат тиде профиль дене) йол ӱмбаке шогалтен кертыт….

25.03.2014
Read More >>

Тоя денат лӱяш лиеш!

Тоя денат лӱяш лиеш, марий калык арам огыл тыге ойла. Иктаж-могай ӱзгарым шот деч посна кучылтмо годым азапыш логалаш лиеш. Теве Звенигово олаште 73 да 77 ияш коча-кован кӱзӧ дене мыскарам ыштымышт ойгыш шуктен. 9 январьыште ӱдырамаш шке марийжым кӱзӧ дене пуйто лӱдыкташ шонен. Тудыжат модыш семын ушнен. Тыге кова пӧръеҥын мӱшкыржым шуралтен. Коча ондак сусыр изи гына манын шонен, вашкеполыш машинамат ӱжыкташ келшен огыл. Эмлымверыштат сайынак мутланен шинчен. Но…

17.01.2012
Read More >>