Ончал, У ий толеш

Мутшо ден семже Михаил Кузьминын

Мамык лум ласкан йога,
Мландым шокшын петыра.
Чодыра ден, пасу ден,
Тора йӱд вечын
Мӱндыр корно ден
Яллаш, олалаш тольо теле
Йӱштӧ шӱлыш ден вашкен.

Теле йӱштӧ шӱлыш ден
Пайремым вучымым конден.
Вучат чыланат, кугыжат вучат,
Вучат пеш йочажат.
Могай гын пӧлек ден толеш
Мемнан дек йӱштӧ кугыза.

Припев:
Ончал, у ий толеш,
Ончал, у ий толеш.
Вучем пайремым,
Кумыл вургыжеш.

Ончал, у ий толеш,
Ончал, у ий толеш.
Пайрем куан ден
Теҥызла темеш.

Тӱрлӧ тул дене йӱлен,
У ий кож шога чӱчкен.
Пайремым вашлийым, кугу пиалым,
Порым тыланем.
Тендам чыладам тиде муро ден
У ий ден саламлем.

Припев.

Теле.
Мланде лум йымалне.
Тӱньык гыч эрдене
Шикш кӱза туран.
Таче мый ачам дене
Каена чодырашке
Кож дек пайремлан,
У Ийлан.

Припев.

Кугу пиалым тыланет!
У Ий ден саламлем!

Ончал, У ий толеш….

Добавить комментарий