Чимарий

Мутшо Ираида Степанован,
Семже Геннадий Григорьевын

Кая кӱсотышко айдеме,
Ойлаш Ош поро Юмо ден.
Вучен илен кумалтыш кечым
Да ямдылалт шоген шот ден.

Ару ош тувырым чиялын,
Волгалте олык кумдыкеш,
Пеленже шочшыжым вӱдалын,
Тудат шып лийын ошкылеш.

Толеш марий, ойла ю дене:
«Кӱсото, тый конден ешнам,
Куан да кӧргысӧ тул дене
Ме тый декетак вашкена».

Кугу сорта гай онапу воктене
Лап лийын кумалеш марий.
Йӱрат чарна тыгодым. Эр эрдене
Пӱртӱс Юмемын кумыл — ший:
Шып колыштеш, кузе чокла марий…

Добавить комментарий