15-17 апрельыште мӱй ярмиҥгам эртарат

Российысе мӱкшызӧ-влакын Марий региональный отделенийже 2 ий ончыч ышталтын ыле. Тиде жапыште ятыр поро пашам шуктымо. Мӱкш отар оза-влаклан мӱйым да моло продукцийым вес оласе ярмиҥгаш ужалаш наҥгаяш полшымо, самырык да тӱҥалше мӱкшызӧ-влакын шинчымашыштым пеҥгыдемдыме.

Телым нуным кадрым уэш ямдылыше агробизнес институтышто туныктымо. Ынде кокымшо тыгай тӱшка эрла погына. Нуным мӱкш ончымо пашам кызытсе пагытыште вияҥден колташ туныкташ тӱҥалыт. Майыште иктаж-могай опытан пчеловодын отарышкыже наҥгаяш шонат. 15-17 апрельыште Йошкар-Ола Кремльыште мӱй ярмиҥгам эртарат. Тушто мӱй деч посна шылым да моло сатум ужалаш тӱҥалыт.

Валерий Очеев

Добавить комментарий