Телефон мошенник-влак уэш вуйым нӧлтылыныт

Марий Элыште телефон мошенник-влак уэш вуйым нӧлтылыныт. Оксам ондален налаш кызыт нуно у йӧным шонен луктыныт. Кодшо арняште Звенигово олаште илыше 82 ияш пенсионерын пачерышкыже палыдыме ӱдырамаш йыҥгыртен да шоҥгыеҥлан ойлен, пуйто кочан колышо ватыжлан шке жапыштыже 180 тӱжем теҥгем тӱлен шуктен огытыл.

Пенсионер тиде окса налын кертеш, но ондак 7000 теҥгем посна счётыш колтышаш. Куаныше пӧръеҥ оксам почто гыч кусарен да сӧрымӧ оксам вучаш тӱҥалын. Но тылетла паладыме ӱдырамаш йыҥгыртен огыл да пенсионер милиций деч полышым йодын. Кызыт следователь-влак тергымашым эртарат.

Валерий Очеев

Добавить комментарий