Йошкар-Олаште тӱнямбал фестиваль-конкурс лиеш

8 апрельыште Сеҥымашын 30 идалыкше лӱмеш тӱвыра полатыште тӱнямбал фестиваль-конкурс почылтеш. Тудо кумдан палыме хореограф, Марий АССР кугыжаныш премийын лауреатше Михаил Мурашкон шочмыжлан 70 ий да усталык пашажлан пел курым теммылан пӧлеклалтеш. Кум кече жапыште профессиональный да любительский коллектив-влак посна номинаций дене шке мастарлыкыштым ончыкташ тӱҥалыт.

Фестиваль конкурс 8 апрельыште 19 шагатлан почылтеш. Шуко унам вучат. Нунын коклаште Набережные Челны ола гыч «Булгары» куштымаш театр, Чуваш республикын кугыжаныш ансамбльже, Пермский край гыч «Прикамье» ансамбль, Владимир ола гыч «Русь» ансамбль. 10 апрельыште гала-концерт лиеш, тунамак сеҥыше-влакым палемдат.

Валерий Очеев

Добавить комментарий