Марий электрон мутер (бета-версий)

Марий электрон мутер ыштыме пашан II-шо этапше мучашышке шуэш. МарНИИ ден Марий Эл Радио усталык тӱшкаешыже Марий электрон мутерын бета-версийжым темла. Тудо 10 томан Марий мутер негызеш ышталтын.

Тиде программыште марий йылме гыч рушыш гына огыл, тыгак руш йылме гыч марийыш кусараш лиеш. Электрон мутерын темлыме вариантше кызыт Виндовс операционло системыште гына ышта, туге гынат усталык тӱшкаешын ончыкылык шонымашыштыже программым кросс-платформаным ышташ – программе кодым Линукс да Мак-ОС (Эпл Инк. компанийын ОС-ыже) операционло системе-влаклан келыштарен возымаш.

Электрон мутерым компьютерышкет шындынет гын, тиде кылверым темдалын, zip-архивым шупшыл нал, тудым архив гыч поч да muter.exe файлым пашаш колто. Ты программе эрыкан лицензий почеш шаралтеш, тудым яра (окса деч посна) кучылташ лиеш.

Добавить комментарий