Пашадыме-влак шагалемыт

Калыклан пашаверым ситарыме шотышто Департаментын увертарымыж почеш, март тылзе мучашлан республикыште пашадыме-влак 1100 еҥлан шагалемыныт. Тидлан шуко йӧн ышталтын. Эн тӱҥжӧ – еҥ-влак пӱрымашым шке кидыш налыт, кугыжаныш пуымо окса дене изирак пашам тӱҥалыт.

Но тыгодым иктым шарныман: оксам налме деч ончыч шоналташ кӱлеш – ойырен налме паша парышым кондаш тӱҥалеш мо? Идалык эртымеке, кузе илыман? Ӱмаште республик мучко 1383 пашадыме предприниматель радамыш шогалын, тений тыгай полышым эше 1500 еҥ налын кертеш.

Валерий Очеев

Добавить комментарий