Ломбо

Мутшо Альбертина Иванован,
Семже Вениамин Захаровын

Тошкем мучаште пӱгыр ломбо
Шкет йӱксӧ гае орлана:
Шӱм сем сар шӱшпыкын ок йоҥго
Тудлан гына,
Тудлан гына.

Припев:
Ах, кудыр ломбо, пӱгыр ломбо,
Кузе тетла илаш, ала?
Арам ик омо,
Конча ик омо:
Парчаште шӱшпык лӱҥгалта.

Тошкем йолгорныш шошо водын
Шым лек шке жапыште тунам.
Чон мужыр деч посна мый кодым.
Ала садлан,
Ала садлан.

Припев.

Нимом тетла мый ом вашталте,
От шыргыжал мылам шыман.
Тый, весе дене шергашлалтше,
Лий пиалан,
Лий пиалан.

Припев.

Добавить комментарий