Кок пушеҥге

Мутшо да семже Константин Зайнетдиновын

Олыкышто кушкын тумо,
Кумда оҥжым кадыртен.
А воктенже шоген куэ,
Шке парчажым шаралтен

Припев: (2 гана)
Кок пушеҥге ваш шогеныт,
Ӱмыр мучко ӧндалал.
Икте-весым араленыт,
Мардеж дечын авырал.

Но икана лийын мардеж,
Кумда южшо ден пуал.
Йӧрыктен лывырге куэм,
Келгын вожшо гыч корштал.

Припев. (2 гана)

Кӱжгӧ тумо пеш ойганен
Таҥже кия лывыжген.
Олык мучко шинчавӱдшӧ
Куэ вожышко йоген.

Припев. (2 гана)

Эркын куэ вийым налын.
Вожшым мландышке колтен.
Кынелын да ваш шогалын,
Тумо воктек эҥертен.

Припев. (2 гана)

Добавить комментарий