Илышлан тый ит ӧпкеле

Мутшо Вячеслав Абукаев-Эмгакын,
Семже Валерий Кульшетовын

Адакат тый толын лектыч,
Титаканла вуй савен.
Шарналташ йодат шукертсым,
Илышетлан ӧпкелен.

Припев:
Илышлан тый ит ӧпкеле.
Пӱрымаш ок лий асат.
Илыш — тиде йӱштӧ теле,
Шошо, шыже, кеҥежат.

Тый ит ойло тиде мутым.
Весым сай мо титаклаш?
Лектынат гын жап ден утыш,
Ынде нигӧлан сыраш.

Припев.

Лучо тый ончал яндарын
Илыш-корным, савырнен,
Да корнетым волгалтаре,
Волгалтаре шӱм тул ден.

Припев.

Добавить комментарий