Маристат увертара

Маристат тений идалык тӱҥалтыште мыняр йоча шочмым да еҥ колымым шотлен луктын. Январьыште 670 ньога шочын, эн шуко Йошкар-Олаште – 256 йоча. Медведево районышто – 64, Провой кундемыште – 46, Юрино районышто – 9 йоча. Колышо-влак шотыштат ола ден нине район-влак «ончылно» улыт. 879 колышо еҥ гыч 265-ше Йошкар-Олаште, Медведево районышто – 83, Звенигово районышто – 63. Юрино районышто 21, Параньга ден Куженер велне 17 гыч. Могай амал дене ош тӱня дене чеверласатше? Аяргат, вӱр коштмо корно чер дене, тӱрлӧ азапыш логалыт, тыгак онкологий чер чот шарлен. Ешым погымо шотышто сӱрет тыгайрак. 289 у еш шочын, 199 вате-марий ойырлен.

Валерий Очеев

Добавить комментарий