Пожар деч аралыме паспортым 1 апрель марте ыштен шуктыман

Республикын правительствыже район администраций вуйлатыше-влаклан чодыра воктен верланыше 137 ял ден села-влакым пожар деч аралыме паспортым 1 апрель марте ямдылаш кӱштен. Кызыт тиде пашам шуктымашке чодырам руышо 70 утла бригадым ушымо. Тыгак пожар годым кучылталтше техникым налме йодышат решатлалтеш. Ондак чылв пашалан 10 млн. теҥгем ойырымо ыле, кызыт эше 16 млн. ешараш палемдыме. Тиде окса дене трейлер ден бульдозер-влакым налыт, улшо спецмашин ден оборудованийым тӧрлат.

Тылеч посна район администраций вуйлатыше-влаклан кажне ялыш мотопомпым налаш, пӱя-влак деке корным тӧрлаш, гидрантым терген лекташ, еҥ-влакым туныкташ шӱдымӧ.

Чодыра воктене верланыше кугурак ял ден селаште пожарный пост-влак ышталтыт, икымше пелийыште 6 тыгай пост лиеш, а вес пелийыште эше 8. Торфан пасу-влакымат чот эскераш шӱдымӧ.

Валерий Очеев

Добавить комментарий