Марий Эл правительстве икмыняр пунчал ден кӱштыкым луктын

Марий Эл правительствын заседанийыштыже икмыняр пунчал ден кӱштыкым лукмо. Эн ончыч ял озанлык дене кылдалтше йодышым ончымо. Правительстве вуйлатышын икымше алмаштышыже, ял озанлык да продовольствий министр Александр Егошин шошо агалан ямдылалтме, техникым олмыктымо, пырчым да ӱяҥдышым ситарыме нерген ойлен. Республикын президентше финанс министерствылан бюджетыште палемдыме оксам яллашке ондакрак колташ шӱден. Тыгак яра кийыше мландым арендыш пуымо нерген йодышым лишыл жапыште решатлаш кӱштымӧ.

Тылеч посна социал объектлаште шошым да кеҥежым могай паша шуктмлтшаш планым ончен лекме, инвестиций политикым вияҥден толшо промышленный предприятий-влаклан полышым пуымо нерген каҥашыме.

Валерий Очеев

Добавить комментарий