Роспотребнадзор амалкалче-влакым терга

Роспотребнадзорын Марий Элысе Управленийже кодшо тылзын кочкыш сатум ужалыше предприятий ден предприниматель-влакым план почеш 9 гана терген. Тыгодым санитар правилым да потребитель-влакын праваштым аралыме шотышто законодательствым ятыр пудыртылмашым пален налме: кочкыш сатун ужалыме жапше эртен, тудым аралыме годым температур режимым пудыртымо, кочкыш сатун сай качестван улмыжым пеҥгыдемдыше документ лийын огыл да молат.

Тергымаш годым административный правонарушений шотышто 16 протоколым возымо. 16 вуйлатыше ден предпринимательлан 28100 теҥге штрафым пуымо. Тылеч посна ужалымаш деч 33 кг кочкыш сатум ужалымаш гыч кораҥдыме, нунын коклаште кондитер сату, майонез, шӱраш, кол консерве.

Валерий Очеев

Добавить комментарий