Татарстанын тӱвыра министрже паша деч посна кодын

Кодшо арняште Татарстанын тӱвыра министрже Зиля Валеева паша деч посна кодын. Тудым отставкыш колтымо да олмешыже «Татарстан» телерадиокомпанийын директоржо Айрат Сибагатуллиным шогалтыме нерген указым Татарстанын Президентше Рустам Минниханов подписатлен. Тыгодым Зиля Валеева вице-премьер семын кодеш.

Эскерыше-влакын ойлымышт почеш, Татарстаныште тӱвыра министрым вашталтеш амал шуко погынен. Нунын коклаште мусульман кинофестивальйым эртарымаш, Озаҥ олаште тӱвыра памятник-влакым шалатылмаш да молат.

Валерий Очеев

Добавить комментарий