Драмколлектив-влак шке мастарлыкыштым ончыкташ тӱҥалыт

Республикысе самодеятельный драмколлектив-влак тиде каныш кечылаште шке мастарлыкыштым Йошкар-Олаште ончыкташ тӱҥалыт. Фестиваль кугарнян, 1 апрельыште почылтеш.

Тӱрлӧ спектакльым ончыкташ тӱҥалыт: Марий Турек районысо Карлыган, Волжский районысо Карай, Козьмодемьянскысе Эшпай лӱмеш тӱвыра полат, Куженер район Йывансола, Звенигово оласе, Советский посёлкысо, Курыкмарий район Латансола, У Торъял район Токтарсола, Волжск оласе Марбумкомбинат тӱвыра пӧртын, Медведево районысо Арбан, Морко калык театрын, Йошкар-Ола гыч Марий тӱвыра рӱдерын, «В старом доме» студийын, «Зеркало» театрын коллективше-влак.

Спектакль-влак Палантай лӱмеш тӱвыра да сымыктыш колледжын сценыштыже да Курчак театрыште лийыт. Тушко яра пураш лиеш.

Валерий Очеев

Добавить комментарий