31 мартыште фестиваль-конкурс лиеш

Судебный пристав-влакын федеральный службыжо, Тӱвыра министерство, Образований да наука министерство, республикысе калык усталык рӱдер, Марий телевидений да Самырык-влакын рӱдерышт «Хрустальные звёздочки» фестиваль-конкурслан ямдылалтыт.

Тудо 31 мартыште Сеҥымашын 30-шо идалыкше лӱмеш тӱвыра полатыште эрта. Конкурсын участникше-влак ийгот шот дене кок тӱшкалан шелалтыт: 7 гыч 12 ияш марте да 12 гыч 17 ияш марте. Нуно кум номинацийыште таҥасат: мурымаш, куштымаш да семӱзгар дене шоктымаш.

Фестиваль кайыме жапыште тӱвыра полатын фойештыже фотограф-влак Иван ден Денис Речкинмытын фотовыставкышт пашам ышта.

Валерий Очеев

Добавить комментарий