Экологий лӱдыкшӧ деч аралалтме кече-влак

21 мартыште Марий Элыште «Экологий лӱдыкшӧ деч аралалтме кече-влак» акций тӱҥалын. Тудо 5 июнь марте шуйна. Акций жапыште шуко паша ышталтеш: илыме верым тӱзатат, шӱкшак деч эрыктат, садерым шындат, эҥер ден ер серлам сылнештарат. Экологий дене кылдалтше тӱрлӧ конкурс, «йыргешке ӱстел», семинар, выставка, смотр, моло мероприятий эртаралтыт, тергыше организаций-влак йырым-йырысе средам аралыме дене кылдалтше законодательство шуктымым эскерат.

Валерий Очеев

Добавить комментарий