29 мартыште «Йӧратымаш? Йӧратымаш! Йӧратымаш…»

Шкетан театр драматург Леонид Яндаковын пьесыже почеш весела комедийым онш темла. Марий зритель-влак тыгайжым путырак йӧратат. Театрын тиде пашажат нунылан кумылло лиеш, шонена. Спектакльыште действий кызытсе жапыште, марий ялыште эрта. Сюжет пуйто у огыл…

Ола гыч толшо рвезе, ялысе ÿдыр-рвезе-влак, мыскараче кугыза, верысе коммерсант… Кажныже шке илыш умылымашыже, чон йодмыжо почеш илаш тырша. Йӧратымаш шÿртӧ чылаштым оҥай мыскара йыр пÿтыра, ваш умылыдымашымат луктеш, но неле илыш саманыштат шке шÿм-чоныштым яндарым аралаш тыршыше-влак тугаяк поро, тыматле, икте-весылан кумылло лийын кодыт.

Спектакль семлан поян. Музыкым композитор Сергей Маков возен, муро шомакын авторжо – поэт Юрий Русанов. Декорацийым художник Леон Тирацуян сÿретлен. Спектакльым театрын тÿҥ режиссержо Василий Домрачев шынден.

shketan.ru

This article has 2 Comments

Добавить комментарий