Светлана Сушкина шке лӱмгечыжым бенефис дене палемден

Марий Элын калык артисткыже, мурызо Светлана Сушкина шке лӱмгечыжым бенефис дене палемден. Тиде пайрем Шкетан лӱмеш театртыште эртен. Артисткым саламлаш Сапаев лӱмеш опер да балет театр гыч, Шкетан театр да Марий самырык театр гыч коллегыже-влак, тӱвыра министр Михаил Васютин Кугыжаныш Погын вуйлатышын алмаштышыже Анатолий Иванов толыныт ыле.

А юбиляр тиде пайремыш толшо-влаклан марий композитор-влакын мурыштым, марий, руш да вес элласе композитор-влакын оперышт гыч арий-влакым пӧлеклен.

Валерий Очеев

Добавить комментарий