Индеш шагатлан

Мутшо Геннадий Чемековын,
Семже Ион Кузьминын

Кастене, кунам ойырлаш жап шуэш,
Ойлет, вожылалын, мылам тый уэш:
«Эрла адакат ме вашлийына
Индеш шагатлан, индеш шагатлан».

Жап дечын ондак вашлиймашке каем.
Молан гын тынаре йӱла шӱм-кылем?
Вет мыйже палем: толеш сай таҥем
Индеш шагатлан, индеш шагатлан.

Ок чаре нимат, кеч тораште лиям,
Садак тый декет, шӱмбелем, пӧртылам.
Вет мыйым вуча эн шерге айдем
Индеш шагатлан, индеш шагатлан.

Добавить комментарий