Кеч ужынат коклан шинчамым ночкым…

Мутшо Геннадий Гордеевын,
Семже Алексей Яшмолкинын


Шӱмемын вургыжмым от чаре.
Куатле тулым кӧргыштем от нӧртӧ.
Тыгае мый улам — ом келше?
Чурийым кочо шинчавӱд ок нӧртӧ.

Припев:
Кеч ужынат коклан шинчамым ночкым,
Да шкат ом шылте — пушкыдо чонем.
Йӱран игечыште мый шортын шочым,
Садлан кунамже вӱдыжген йоҥга семем.

Чонемын сем ӱжеш торашке,
Мурем йоҥгалтше шӱдыран кавашке.
Улам мый шкетын ты тӱняште,
Яндарле кумыл, икшыветым сакле.

Припев.

Добавить комментарий