Кӧ манеш, ом вучо?

Мутшо Альбертина Иванован,
Семже Дмитрий Кульшетовын

Йӱд ден кече варнышт —
Кайышна кок велыш.
Шӱшпык мурым чарыш —
Кайышна кок велыш.
Кӧ осалым шарныш?
Кайышна кок велыш.
Ойго ден шӱм ярныш,
Кайышна кок велыш.

Припев:
Йӧрыш чолга кумыл,
Тый уке улат да…
Коштеш почеш кумыт,
Тый уке улат да.
Кид гыч велеш сомыл,
Тый уке улат да.
Мурызо мый омыл,
Тый уке улат да.

Шонымашем весе —
Мый ынде ом вучо.
Ыльыч чонло рвезе —
Садыгак ом вучо.
Но палем ик кечын
(Шукертсек ом вучо…)
Толат тора вечын —
Кӧ манеш, ом вучо?

Добавить комментарий