Волжский район администраций пашаеҥ-влак калык дене вашлиймашым эртареныт

Волжский район администраций пашаеҥ-влак Памар кундемыште арня мучко калык дене вашлиймашым эртареныт. Решатлышаш йодыш ятыр погынен. Теве Кӱсола да Шеренкуп воктене автобус шогалаш остановкым чоҥыман, Кӱсолаште йочасадын леведышыжым олмыктыман. Ялыште мебельым лукшо 3 предприятий пашам ышта, а йочасадыште йоча-влак раскладышкышто малат. Еҥ-влакым кундемым тӱзатыме, арулыкым кучмо йодыш-влакат тургыжландарат. Мамасево кыдалаш школышто вашлиймаште тариф йодышым нӧлталме.

Валерий Очеев

Добавить комментарий