У Торъял районышто сарын да пашан ветеранже-влак погыненыт

У Торъял районышто сарын да пашан ветеранже-влак ушемын президиумжо кажне тылзын ик гана погына. Тыште шоҥгыеҥ-влакын илышышт дене кылдалтше йодыш-влакым ончат, ветеран-влакын первичный организацийыштышт могай паша шукталтмым каҥашат.

Тиде гана президиумышто коммунальный тариф да шкет илыше шоҥгыеҥ-влаклан могай полышым пуымо шотышто ойленыт. Тыгак У Торъял районышто шочын-кушшо, палыме хирург Иван Сергеевич Бастраковлан памятникым шогалташ оксам погаш тӱҥалме нерген кутырен келшеныт. Президиумыш толшо район администраций вуйлатыше Василий Блинов ятыр йодышлан вашештен.

Валерий Очеев

Добавить комментарий