Интурмаркет-2011

Шукерте огыл Марий Элын делегацийже VI «Интурмаркет-2011» тӱнямбал туристический выставкыште участвоватлен. Тиде Российыште ик эн кугу выставка семын палемдалтеш. Тудым почмашке тений 125 эл да Российын тӱрлӧ регионжо гыч турбизнесын 1200 представительже толын. Участник-влак тӱнямбал экономикыште туризмын вияҥмыжым, рынкыште Российын кӱкшытшым сай могырым гына палемденыт. 4 кече жапыште выставкыште 80 тӱжем уна лийын.

Валерий Очеев

Добавить комментарий