Мондо ӧпкем

Мутшо Семён Николаевын,
Семже Ион Кузьминын

Ош сиреньым мый шым тодыл,
Роза кидыштем уке.
Тиде канде умыр водын
Садиктак тый мондо ӧпкем. 2 гана

Толын омыл мый теҥгече,
Колын отыл чон йӱкем!
Тый палет: экзамен кече
Ыле мыйын… Мондо ӧпкем. 2 гана

Икте веле, икте веле
Мыйын ӱдыр титакем:
Тыйым йӧратем эрелан!
От ӱшане — мондо ӧпкем. 2 гана

Сай пиалым рвезе годым
Огыт висе роза ден,
Ош сиреньымат ом тодыл…
Йӧратет гын, мондо ӧпкем. 2 гана

Добавить комментарий