Мыйын огыл мо?

Мутшо Валентина Изилянован,
Семже Сергей Маковын

Каныш годым я пашаште
Шоналтем мый, куанен:
Эн моторжо еҥ коклаште
Мыйын огыл мо таҥем? 2 гана

Кумыл почын кутыр(ы)маште
Ойго ден ӧпкем монден,
Поро мут ден шулдыраҥше,
Мыйын огыл мо чонем?! 2 гана

Теҥыз семын толкыналтше
Пасу, олыкет воктен,
Кудырген, тораш шуйналтше
Мыйын огыл мо корнем?! 2 гана

Кавапомыш сылне-канде
Уло сотыжым велен!
Тиде тыныс шошо мланде
Мыйын огыл мо элем?! 2 гана

Добавить комментарий