Тау, авай!

Мутшо Александр Ефимовын,
Семже Геннадий Васильевын

Ош тӱняшке пыртлан унала
Тый кӱшеш, аваем, толына.
Шепка тӱр гычак шижым порет,
Ойлена ме таум тыланет.

Припев:
Шочшо верчын йӱла
Ава шӱмжӧ тул деч виянрак.
Садланак мо вара,
Аваем, шоҥгемат пеш ондак? 2 гана

Эр волгенчыла эртыш йолген
Йоча пагыт шижде воктенет…
Ынде таче пелен уныкат
Ялт мемнан семынак юарлат.

Припев.

Мый йодам, Юмо деч сӧрвален,
Ӱмыреш лияшет пеленем.
Кече семын волгалтын эртак
Тые шого, авай, эре чак.

Припев.

Добавить комментарий