Таче Йошкар-Олаште Ленин лӱмеш тӱвыра полатыште мӱй ярмиҥга почылтын

Кум кече шуйнышо пазарыш республикыште мӱкшым ончышо-влак погыненыт. Маристатын шотлен лукмыж почеш, тений 1 январьлан республикыште 33 тӱжем утла мӱкш еш шотлалтын. Мӱкшым шуко ончат Курыкмарий, Килемар, Марий Турек, Морко, У Торъял, Оршанке да Советский районлаште. Мӱкым ончышо-влак посна ушемым ыштеныт. Мӱйым да моло продукцийым вес кундемлашкат ужалаш луктыт.

Лишыл жапыште Курыкмарий районышто мӱкшым ончымо рӱдерым ышташ шонат, а Йошкар-Олаште марий мӱй рӱдер почылтеш.

Валерий Очеев

Добавить комментарий