Тений вӱдшор могайрак лиеш?

Республикысе Гидрометцентр пашаеҥ-влакын шымлен лекмышт почеш, кугу вӱд огеш лий. Эҥер-влакат ик жапыштак почылтыт. Кызыт ийын кӱжгытшым эскерат. Рутка эҥер 30 см-лан кылмен, Вӱтла – 32 см, Чебоксар плотинаште ийын кӱжгытшӧ – 37 см.

Ял озанлык министерствыштат шошо агам эртарен колтымо шотышто тургыжланат. Тений лум ӱмашсе деч кок пачаш шукрыак возын, мланде 25 гыч 40 см марте кылмен, ӱмаште эн шагалже – ик метрыште. Тугеже тений мланде вашкерак шула да шошо вӱдым утларак шупшылеш. Тидыже кушкыллан сай веле.

Валерий Очеев

Добавить комментарий