«Промо-Пак»-ыште кокла пашадар 15 тӱжем теҥгеш шуэш

Теҥгече Марий Элын президентше Леонид Маркелов «Промо-Пак» предприятийыш миен коштын. Тыште 5 лончан гофрироватлыме картоным луктыт да тудын деч яшлыкым ыштат. Предприятий 2005 ийыште почылтын. Кызыт тыште 50 наре еҥ пашам ышта, кокла пашадар 15 тӱжем теҥгеш шуэш, окса жапыштыже тӱлат. Ӱмаште предприятий 103 миллион теҥгеаш сатум ыштен луктын.

Валерий Очеев

Добавить комментарий