Марий локаль

Марий локаль линукслан пеш кӱлешан. Тушто марий тылзе-влакын кӱчык да кужу лӱмыштым, арнясе кече-влакым, теҥге ден датын сыныштым ончыктымо. Локаль интернационализаций ден локализаций проектын ужашыже улеш. Локальым линуксышке шындыме деч вара дате ден жапым ончыктышо тыглай ӱзгар-влак тудым марла да марий сын дене ончыкташ тӱҥалыт.

Тиде сӱретыште те марий локаль кучылтмашым ужын кертыда. Тыште те Gnome паша ӱстел йырге программе погышто почылтшо кечышотым ужыда.

Ӱлныжо консольышто улшо date кӱштышын лектышыжым ужын кертыда. Тиде кӱштышым параметр деч посна колтен ончаш гын, ойырен налме локаль дене келшышын ондакысе дате ден жапым раш ӱжаш лиеш.

Марий локальА ынде тиде локальым компьютерыш шындыме нерген. Эн ондак тергаш кӱлеш: тендан компьютерыште тиде локаль уло але уке.

/usr/share/i18n/locales/ каталогыште mhr_RU лӱман файл лийшаш. Уке гын, тиде файлым тышеч шупшылаш лиеш.

Умбакыжым тыгай кӱштышым ыштыза:
localedef -f UTF-8 -i /usr/share/i18n/locales/mhr_RU -u UTF-8 mhr_RU.UTF8

Тыйын ондак тиде локаль лийын гын, кӱшно ончыктымо кӱштышым ышташ огеш кӱл.

Варажым инструкций ойыртемалтеш. Gentoo системе шога гын, тыге ыштыман:
/etc/locale.gen файлышке mhr_RU.UTF-8 UTF-8 корным ешарена.

Ынде вес кӱштышым ыштена:
locale-gen

/etc/env.d/02locale файлыште тыгай корно-влакым возена:
LANG=»mhr_RU.utf8″
LC_CTYPE=»mhr_RU.UTF-8″
LC_NUMERIC=»mhr_RU.UTF-8″
LC_TIME=»mhr_RU.UTF-8″
LC_COLLATE=»mhr_RU.UTF-8″
LC_MONETARY=»mhr_RU.UTF-8″
LC_MESSAGES=»mhr_RU.UTF-8″
LC_PAPER=»mhr_RU.UTF-8″
LC_NAME=»mhr_RU.UTF-8″
LC_ADDRESS=»mhr_RU.UTF-8″
LC_TELEPHONE=»mhr_RU.UTF-8″
LC_MEASERMENT=»mhr_RU.UTF-8″
LC_IDENTIFICATION=»mhr_RU.UTF-8″

Вара компьютерым йӧрыктен чӱктена да лектышыжым ончалына.
Адакшым локальын шындалтмыжым компьютерым йӧрыктымӧ деч посна ончалнет гын, теве мом ыштыман:
env-update && source /etc/profile

Ындыжым date кӱштышым тергаш лиеш. Тудо датым марла ончыктышаш. Но тендан йӱкпале-влак огыт палдаралт гын, консольын шрифтшым вашталтыман: /etc/conf.d/consolefont файлыште CONSOLEFONT=”UniCyrExt_8x16” параметрым ончыктена.

Марий локальUbuntu дистрибутивыште весым ыштена:
/etc/environment файлым почмеке возена (тыгай файл уке гын, уым ыштена):
LC_LANG=»ru_RU.UTF-8″
LC_CTYPE=»mhr_RU.UTF-8″
LC_NUMERIC=»mhr_RU.UTF-8″
LC_TIME=»mhr_RU.UTF-8″
LC_COLLATE=»mhr_RU.UTF-8″
LC_MONETARY=»mhr_RU.UTF-8″
LC_MESSAGES=»ru_RU.UTF-8″
LC_PAPER=»mhr_RU.UTF-8″
LC_NAME=»mhr_RU.UTF-8″
LC_ADDRESS=»mhr_RU.UTF-8″
LC_TELEPHONE=»mhr_RU.UTF-8″
LC_MEASUREMENT=»mhr_RU.UTF-8″
LC_IDENTIFICATION=»mhr_RU.UTF-8″

LC_LANG да LC_MESSAGES параметр-влакыште ru_RU.UTF-8 семын возена. Тидыже тендан паша ӱстел йырге программын тӱжвал сынжым вашталтыде (рушла) кодшо манын ышталтеш. Уке гын, тудо англичан йылме сыным налеш, молан манаш гын, марий йылме дене тудо эше уке.

Системым уэш колтена да пашам ыштена.

Паша ӱстел йырге программе погыш (desktop environment software) рушла — среда рабочего стола, графическая оболочка;
Кӱштыш — команда.

peshsaj.blogspot.com

This article has 1 Comment

Добавить комментарий