Тылат мурем

Мутшо ден семже Сергей Якимовын

Йолташем, шӱмбелем,
Йӧраталтме сай таҥем,
Тыланет мый мурым пӧлеклем.
Пеш тора улат гынат,
Тый декет шуам садак.
Шуам садак!

Припев:
Пӧлеклем эн ныжыл семым,
Пӧлеклем тылат мурем,
Эр кавасе шӱдыр семын
Волгалтаре тый корнем.

Лай мардежла шыматет,
Ончалмет ден когартет –
Санденак дыр тыйым йӧратем.
Чоҥештен мийынем,
Чон шокшем ден ӧндалнем…
Тылат мурем!

Припев.

Добавить комментарий