Кажне шке пашажым шукта

Марий Эл Республикысе архив учреждений пашаеҥ-влак кодшо ийысе пашаштым иктешленыт.

Марий Эл Республикын Архив паша шотышто комитет председательже Татьяна Майорован палемдымыж почеш, архив пашам вияҥдаш полшышо законодательствым саемдыме шотышто тений шагал огыл ышталтын.  Архив учреждений-влакын материально-технический базыштым пеҥгыдемдыме да документ-влакым арален толмо пашалан 1205,3 тӱжем теҥге ойыралтын. 16 муниципальный архивын документым аралыме базыжым саемден кертме. Тидлан федеральный ден республикысе бюджет оксамат кучылтмо.

Молгунамсе семынак «Марийский архивный ежегодник» научно-методический сборник савыкталтын, «Сар нерген архив-влак», И.С.Палантайын 125 ияш лӱмгечыжлан «Марий шӱшпык» электронный изданий-влак ямдылалтыныт, архив документ-влак дене палдарыше 29 экскурсий,  30 наре выставка эртаралтыныт  да моло кӱлешан пашат шукталтын.

С.Носова

Добавить комментарий