Ныжыл лыве

Мутшо Серафим Антроповын
Семже Валентин Милютинын


Рвезе годсо пагыт, вашлиялме пагыт,
Уш гыч нигунам от лектын кай.
Мыланемже тые улат ныжыл лыве,
Мый лийнем тылат пеледыш гай.

Припев:
Шого таҥем, шого,
Шоно, кеч ит шоно,
Лӱмешемак шочынат улмаш.
Пале, шарне, пале,
Шошо вӱд гай тале,
Авалтен шӱмем йӧратымаш.

Пеш сӧрал ялемже, ломбо ден сиреньже,
Тамле пушым йырымваш шарат.
Кеч лиям олаште, мӧҥгышто, пашаште,
Тыяк веле ушыштем улат.

Припев.

Сад-пакчашке лектын, ит ойгане шкетын,
Ваш йӧратымаш ок керт йӧрен.
Арам огыл шошо, пеледалтын ошын,
Тӱвырген саскам пуаш сӧрен.

Припев.

Добавить комментарий