«Газпром межрегионгаз Йошкар-Ола» кугу штрафым тӱлен

Федеральный антимонопольный службын Марий Элысе «Газпром межрегионгаз Йошкар-Ола» ушемым терген лектын да «Конкуренцийым аралымаш» законын 10 статьяжын 1 пунктшын 10 ужашыжым пудыртымашым муын.

Пашаже тыште. «Жилищно-коммунальный сервис» управляющий компанийлан пӱртӱс газым ужалыме годым Межрегионгаз акым ятырлан кугемден. Муниципальный предприятийлан колтымо газын акше промышленный предприятий гай лийын. Тиде пашам Арбитражный суд кок гана ончен лектын да антимонопольный службын чын улмыжым пеҥгыдемден. Тыге «Газпром межрегионгаз Йошкар-Ола» ушем федеральный бюджетыш 7 млн 609 тӱжем 416 теҥге штрафым тӱлен.

Валерий Очеев

Добавить комментарий