Ава капитал гыч 12 тӱжем теҥгем кузе налаш

Ава капитал гыч 12 тӱжем теҥгем налаш манын, 31 март йотке возен шукташ кӱлеш. Пенсий фондыш чыла кагазым тугай ача-ава-влак намийышаш улыт, кӧн кокымшо, кумшо але утларак йочаже ӱмаште IV кварталыште шочын.

Пырля налман паспортым, ава капиталлан сертификатым да сбербанк але вес банк гыч расчётный счётын реквизитшым. Документым тергыме деч вара оксам тыланда 2 тылзе жапыште колтышаш улыт. Таче кечылан Пенсий фондыш 10717 йодмашым конденыт. Ава капитал сертификатым чылаже 14500 еҥлан пуымо, тышеч 2608 еш шке оксажым ипотека кредитым петыраш кучылтын. Ушештарена: 2011 ийыште ава капиталын кугытшо 365698 теҥге.

Валерий Очеев

Добавить комментарий