Йошкар-Олаште илыше-влак милиций пашаеҥлан тауштеныт

Икмыняр идалык Марий Элысе рӱдолаште Бауман уремын 22-шо №-ан пӧртыштыжӧ илыше-влакын ласкалыкыштым пачерым айлен илыше-влак шургымышт дене пытарат улмаш. Лач милиций пашаеҥ могырым ты сомыллан пижмаш, калык деке тӱткышыштым виктарымаш ситуацийым вашталтен кертын.

Марий Элысе МВД-ш Бауман уремысе 22-шо №-ан пӧртыштыжӧ илыше-влак деч республикысе элкӧргӧ паша министр Артем Хохоринлан тауштымашан серышым возеныт. Серышын авторжо каласкален, кузе икмыняр ий ончыч тушко пачерым айлаш квартирант-влак — СНГ эллаште шочшо-влак – толыныт. Тылеч вара пошкудо-влакын ласкалыкышт пытен: кажне кечын гаяк, кеч кече але йӱд, пачерыште эре пайрем лийын, тудо кучедалмаш дене мучашлалтын. Пачер оза шкеже Оршанке районышто илен, сандене тудым тыгай койыш тургыжландарен огыл. Ик гана веле огыл пошкудо-влакын ӱжмышт почеш милиционер-влак саде-шамычым лыпландареныт. Но кум ий жапыште нуным ынде чыташ вий пытен. Сандене тусо илыше-влак Марий Элысе МВД-н налоговый осал паша шотышто управлений вуйлатыше Олег Ширшов деке лектыныт. «Ме Олег Викторович деке йыҥгыртенна, да тудо ты йодышым кок тылзе жапыште решатлен, — ойлалтеш серышыште. – Тылеч вара квартирант-влак каеныт. Ме Олег Ширшовлан тыгай куаным кондымыжлан да мутым пуымыжым шуктымыжлан тауштена. Да тыге шотлена: министерство вуйлатыше-влак тыгай сай пашаеҥышт нерген обязательно палышаш улыт».

mvd.gov12.ru

Добавить комментарий